Det er 2. desember og klart for ei ny luke! For dei av dykk som har Mac er nok sikkert Fluid eit kjent program, men sidan dette er ein julekalender er kva som helst godt nok!
Fluid er eigentleg ein nettlesar, kalla Site Specific Browser, som rett og slett gjer dine favorittnettstader om til applikasjonar/snarvegar. Det vil i praksis seie at dersom du nyttar for eksempel Facebook, Dagbladet og Flickr relativt ofte, kan du køyre dei gjennom Fluid og lage ei «eige program» for kvar enkelt. Du kan også sjølv bestemme kva ikon den skal ha, eller be den hente ned .favicon-fila til sida. Skoi!